കൊച്ചി: തൊഴിൽ അന്വേഷിക്കുന്ന എല്ലാ ഉദ്യോഗാർഥികളും ഇനി കൊച്ചിയിലേക്ക് വായോ. ഇവിടെ നിങ്ങളെ സഹായിക്കാനായി ഒരു ജോബ് സെന്‍റർ ഉണ്ട്. “വായോ ജോബ് സെന്‍റർ ” എന്നാണ് അതിന്റെ പേര്. കൊച്ചി കടവന്ത്രയിൽ മെട്രോ സ്റ്റേഷന് സമീപമാണ് ഈ സ്ഥാപനം നിൽക്കുന്നത്. ഒരു ജോലി തിരയുന്നവർക്ക് തികച്ചും സൗജന്യസേവനമാണ് ഇവിടെ നിന്ന് ലഭിക്കുന്നത് . നിലവിലുള്ള തൊഴിൽ അവസരങ്ങളെക്കുറിച്ചുള്ള വിവരങ്ങൾ ഉദ്യോഗാർഥികൾക്ക് കൈമാറുകയാണ് ചെയ്യുന്നത്.
ഇവിടെ നിങ്ങൾക്ക് രജിസ്ട്രേഷൻ ഫീസോ വിവരങ്ങളോ നൽകണമെന്നില്ല. തികച്ചും സൗജന്യമായി തന്നെ വായോ ജോബ് സെന്‍ററിൽ എത്തുന്നവർക്ക് അനുയോജ്യമായ ജോലി അവസരങ്ങളുണ്ടോയെന്ന് പരിശോധിക്കാവുന്നതാണ്. ജോലിയും അതിന്റെ വിവരങ്ങളുമെല്ലാം ബോർഡിൽ ഇട്ടിട്ടുണ്ടാകും.തൊഴിൽധാതാവിനും ഉദ്യോഗാർഥിക്കും ഇരുന്ന് നേരിട്ട് സംസാരിക്കാനുള്ള അവസരവും ഇവിടെ ഉണ്ടാകും.
ഉദ്യോഗാർഥികൾക്ക് ഒരു നല്ല ജോലി ലഭിക്കാനും തൊഴിൽദാതാക്കൾക്ക് ഒരു വിശ്വസ്തനായ ജോലിക്കാരെ ലഭിക്കാനാണ് പരിശ്രമം എന്നാണ് പുതിയ ജോബ് സെന്‍ററിനെക്കുറിച്ച് ജോളി ജോസഫ് ഫേസ്ബുക്കിൽ കുറിച്ചത്. തൊഴിൽ അവസരങ്ങളുണ്ടോ എന്ന് അന്ന്വേഷിച്ച് വായോ ജോബ് സെന്‍ററിലെത്തുന്ന തൊഴിൽ അന്വേഷകന് തൊഴിൽ ദാതാവിനെ ബന്ധപ്പെടുകയും തൊഴിലിനെ പറ്റി സംസാരിക്കുകയും ചെയ്യാം.
ബോർഡിൽ ജോലിയും തൊഴിൽ ദാതാവിന്‍റെ പേരും ബന്ധപ്പെടാനുള്ള നമ്പറും അതിന്റെ വിവരങ്ങളും വിവിധ ഭാഗങ്ങളിലായി തിരിച്ച് ഇട്ടിട്ടുണ്ടാകും. ഉദ്യോഗാർഥിക്ക് ദാതാവുമായി ഒരുമിച്ചിരുന്ന് സംസാരിക്കുന്നതിനുള്ള സൗകര്യവും ഓൺലൈൻ അഭിമുഖത്തിനുള്ള സൗകര്യവും ഈ സ്ഥാപനത്തിൽ ഉണ്ട്.കൂടുതൽ വിവരങ്ങൾക്ക് വീഡിയോ കാണാം.ഈ നല്ല അവസരം ഷെയർ ചെയ്ത് എല്ലാവരിലും എത്തിക്കുക.
